احمد آباد میں اسپتال میں آگ لگی، 100 سے زیادہ افراد کو محفوظ نکالا گیا

گجرات کے احمد آباد میں واقع اہم نجی طبی ادارے سال اسپتال میں آج شام اچانک آگ لگ جانے سے افرا تفری مچ گئی تاہم اس دوران کوئی جانی نقصان نہیں ہوا اور مریضوں اور ان کے اہل خانہ سمیت ایک سو سے زیادہ لوگوں کو محفوظ باہر نکال لیا گیا۔فائربریگیڈ کے ایڈیشنل چیف افسر



راجیش بھٹ نے یو این آئی کو بتایا شام کوتقریباََ سات بجے آگ لگنے کی اطلاع ملی جس کے بعد قریب 27 فائر بریگیڈ گاڑیوں نے دو گھنٹے کی مشقت کے بعد آگ بجھا دی۔آگ تھلتیج علاقے میں دوردرشن ٹاور کے نزدیک واقع اس اسپتال کی تیسری منزل پرا سٹور سے شاید شارٹ سرکٹ کی وجہ سے شروع ہوئی تھی۔